Te noho mohoao

Whakarongo ake au ki te tangi a te manu, tui, tui, tui, tuia.

Tuia ki runga, tuia ki raro, tuia ki roto, tuia waho.

Tuia ki te herenga tangata.

Tihei mauri ora.

Ka tuu nei au ki te tihi tapu o Ruapehu maunga.

Titiro whakararo ki nga wai koriporipo o Whanganui.

E hoe nei ngaa wai rupetu ko Aotea.

Kai ngaa koruru, ngaa pou, nga maihi, te whare maire, te taiwhanga ko Te Puke.

Kia ora e te whanau, ko Rangikoaea tooku ingoa he tau waru ahau ki Te Kura Akonga O Manurewa. Tekau ma rua ooku pakeke. Kei roto ahau i te akomanga o Te Pae Whenua, ko matua Rangikohu tooku kaiako.

Ka oti au i ooku korero e paa ana ki ahau. No reira ka timata au kia korero e paa ana ki tooku kaupapa i tipako au. 

E korero au e paa ana ki ahau me tooku whanau e noho mohoao ki te kainga.

I te rangi tuatahi o te waa noho mohoao i te whakarite ahau i ahau ano mo te hui tuatahi ki te taha o Matua Rangikohu, i te tuatahi i tatari au mo tooku rorohiko, i te maurirere au na te mea i timata te hui a te iwa karaka, i tae au hei te tekau miniti mai i te iwa na te mea ko teera te wa i tae mai tooku rorohiko.

I hono au ki te hui i mua i timata a matua i te karakia, i kii mai a Isaiah raua ko Tipene kia hono atu ki te hui. I whaaki atu raua ki ahau maa runga i te Instagram. Whai muri i teera i taakaro ahau raua ko Isaiah i te Minecraft eengari, i takaro au ki roto i tooku ake ao, i taakaro ia ki

roto i toona ake ao. I hanga maua i eetahi whare, i hanga ia i teetahi whare moroki, i hanga au i teetahi whare nui ki runga i te onepu ki te taha o teetahi ngahere me teetahi ana me eetahi kaenga eetahi pilligar outpost, kau, hipi, poaka, heihei, ngeru, villagers, enderman, rapeti, iron golem, creepers, zombies, skeletons, silverfish, spiders, witches me eetahi atu mea.

I hanga a Isaiah i runga i teetahi ao papatahi, aa, i haere au ki runga i te Waa karakia i te ahiahi na te mea i ki a matua me hono mai maatau ki teera hui hoki. Koera te raupapa o ngaa hui katoa ka whakatuu a matua. Ka tuku mai a matua i eetahi mahi ki a maatau ki runga i ngaa google slides me te education perfect, ka awhi au ia Caol, Lucia, Bana me Ariki kia oti i ngaa mahi tere ake. Ka tuku a Lucia ngaa mahi ki a maatau katoa (Caol, Ariki, Bana raatau ko au).

I teetahi raa i kii a matua me hanga maatau i te parakuihi hei mahi mo maatau, eengari, kaore au e taea te mahi te parakuihi na te mea me kai au i te parakuihi i mua i te haere ki runga i tooku rorohiko.

No reira teena koutou, teena koutou huri noa te whare teena taatou katoa.